Бүген Татарстан мөфтие Камил хәзрәт Сәмигуллинда кунакта мәчет төзү буенча инициатив төркем булды. Очрашу Казанның Галиев мәчетендә узды. Бер зур гаилә – Сөниевлар – чыгышлары белән Алексеевски районыннан, хәзер Татарстанның һәм Россиянең төрле почмакларында гомер итәләр. Алар бергә Камил хәзрәт бүлмәсендә җыелып, туган авылларында мәчет төзү өчен аның фатихасын алдылар. Мөфти кунакларга үзенең тәкъдимнәрен җиткерде, мәчеткә керү-чыгу юллары, корбан чалу урыннары, балалар мәйданчыгы һәм уку класслары белән тәэмин итүнең әһәмиятен билгеләде. “Безнең сөекле Пәйгамбәребез салләллаһу галәйһи вә сәлләм болай дигән: “Кем Аллаһы ризалыгы өчен мәчет төзесә, шуңа Аллаһы җәннәттә йорт төзер”, – дип ассызыклады мөфти. Ренат Сөниев һәм Розалия Сөниева, шулай ук аларның уллары һәм туганнан туганнары Камил хәзрәткә очрашу өчен рәхмәт белдерделәр.
Мөфти мәчет төзү буенча инициатив төркем белән очрашты
30 ноябрь 2017 ел 14:08
Соңгы яңалыклар
“Хозур” нәшрият йорты мобилизацияләнгән мөселманнар өчен махсус дога җыентыкларын 20 мең данә өстәмә тираж белән нәшер итә
31 октябрь 2022 ел 15:02
Нәзарәттә Милли мәдәниятләр һәм традицияләр елына әзерлек уңаеннан фикер алышу узды
31 октябрь 2022 ел 13:04
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы