Татарстан Республикасының хөкүмәт делегациясе ТР Президенты Р.Н.Миңнеханов җитәкчелегендә эш сәфәре белән Берләшкән Гарәп Әмирлекләренә килде. Делегация составына мөфти Камил хәзрәт Сәмигуллин кертелгән. Берләшкән Гарәп Әмирлекләренә сәфәр кылу барышында Татарстан делегациясе Дубайның Ислам икътисады үсеше үзәгендә (Dubai Islamic Economy Development Centre) булырга, эшлекле очрашулар һәм сөйләшүләр үткәрергә ниятли. Дубайның ислам икътисады үсеше үзәге җитәкчелеге, Берләшкән Гарәп Әмирлекләренең икътисад министрлыгы вәкилләре белән очрашулар планлаштырылган. ТР Президентына 2017-2021 елларга яңа икътисади стратегия (Halal lifestyle) тәкъдим ителер дип көтелә.
Рөстәм Миңнехановның Дубай Ислам банкы Төркеме генераль директоры Аднан Чилван белән очрашуы да көтелә.
