Бүген Татарстан мөселманнары Диния нәзарәтенең дәгъвәт бүлеге җитәкчесе Нияз хәзрәт Сабиров олуг дин галимебез Шиһабетдин Мәрҗанинең туган җирен – хәзерге Әтнә районы Комыргуҗа авыл җирлеген һәм Мәрҗанинең бабасы Габделкоддус нигез салган Мәрҗән авылын зиярәт итте. Сәфәрнең максаты – Татарстан мөфтие Камил хәзрәт Сәмигуллин әмере буенча Шиһабетдин хәзрәт Мәрҗани турында документаль фильм әзерли башлау.
Нияз хәзрәт Сабиров шулай ук Әтнә районы Комыргуҗа авылында Шиһабетдин Мәрҗани исемендәге мәчеттә җомга намазы үткәрде, Комыргуҗа авылында Шиһабетдин Мәрҗани исемендәге мәктәп укытучылары һәм укучылары белән очрашты.
