25 гыйнвар 18.00 сәгатьтә Казанның Галиев мәчетендә мөселман дискуссион клубының чираттагы җыелышы узачак. Очрашу темасы “Челтәр маркетингы һәм ислам” дип билгеләнгән. Аллаһы илчесе салләллаһу галәйһи вә сәлләм әйткәнчә, сәүдә итү – Сөннәт гамәл. Сату-алу эше кызыклы һәм мавыктыргыч. Әмма кайвакыт сатучылар, табыш артыннан куып, рөхсәт ителгән сәүдә алып бару юллары турында оныталар. Мисал өчен, күп кенә мөселманнар өчен челтәр маркетингы белән шөгыльләнүнең рөхсәт ителү-ителмәү мәсьәләсе ачык булып кала. Нәрсә ул челтәр маркетинг һәм аның эш принциплары нидән гыйбарәт? Бу система буенча эшләргә мөмкинме? Безгә кадәр яшәгәннәр ничек сәүдә алып барганнар һәм дөрес сату итүнең төп нигезләре нидән гыйбарәт? Бу һәм башка мәсьәләләр хакында дискуссион клубта катнашучылар Татарстан мөфтиенең беренче урынбасары Рөстәм хәзрәт Вәлиуллин һәм челтәр маркетингының әйдәп баручы вәкилләре белән сөйләшәчәк. Барыгызны да ястү намазыннан соң Казан шәһәре, Габдулла Тукай урамы, 40 нчы йорт адресы буенча көтеп калабыз.
Челтәр маркетингы: рөхсәт ителәме, юкмы?
23 гыйнвар 2018 ел 14:30
Соңгы яңалыклар
Галиев мәчетендә җомга намазында Казан кинофестиваленең танылган кунаклары булып китте
06 сентябрь 2024 ел 15:13
Мөфти ТР Рәисенең Согуд Гарәбстаны Хаҗ һәм гомрә эшләре буенча министры белән очрашуында катнашты
06 сентябрь 2024 ел 11:51
Коръән ятлауның үзенчәлекле программасы авторы, Төркиядән килгән хәфизә Нәзарәттә булды
06 сентябрь 2024 ел 08:39
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы