Казый халык белән аралашты

Татарстанның көньяк төбәге казые, Аксубай районы имам-мөхтәсибе Равил хазрәт Зөфәров “Ягымлылык” халыкка  социаль хезмәт күрсәтү үзәгендә халык белән очрашты. Әлеге зональ тернәкләндерү үзәгенә төрле районнардан киләләр, бу очрашуга төрле милләт вәкилләре - барысы утызлап кеше Чаллы шәһәреннән, Чирмешән, Аксубай районнарыннан килде. Равил хәзрәт ислам диненең башка милләт һәм диннәргә карашы, дуслык һәм татулык турында әңгәмә алып барды, хакыйкый Ислам динебез хакында сөйләде, сорауларга җавап бирде. Равил хәзрәт шулай ук “Ягымлылык” халыкка социаль хезмәт күрсәтү үзәгенең күзәтү советында катнаша.