Шиһабетдин Мәрҗанинең тууына 200 ел тулу уңаеннан “Россия мөселманнарының дини-илаһият мирасы: тарих һәм бүгенге заман” дип исемләнгән халыкара фәнни-гамәли конференциядә катнашу өчен килгән башкала кунаклары Яңа татар бистәсенең Татар зиратында Мәрҗанинең кабере янына җыелды. Бирегә алар бөек Мәрҗанине искә алып, аның каберен зиярат кылу һәм рухына дога кылу өчен килде. Иорданиянең мәгариф министролыгы вәкиле Лүай Хәлили Мәрҗани хезмәтләренең әһәмияте турында сөйләде һәм аның бөтендөнья мөселманнарының рухи мирасын баетуда бәһасез өлешен искә алды. Татарстан мөфтие Камил хәзрәт Сәмигуллин Кәлам шәрифтән аятьләр укыды. Ахырдан конференциядә катнашучылар кабер янында дога кылды.
Соңыннан кунаклар Мәрҗани мәчете комплексына экскурсиягә китте.
Конференциянең эше "Мираж" отелендә сәг.14.00-дә башлана.
