Бүген Чаллы шәһәренең Ак мәчет мәдрәсәсе комплексында ТР мөселманнары Диния нәзарәтенең Казыйлар шурасы утырышы узды. Һәр айның икенче дүшәмбесендә уза торган чарада Кама буе төбәге казыятенә кергән районнар – Чаллы шәһәре, Түбән Кама шәһәре һәм районы, Тукай районы мөхтәсибләренең еллык хисаплары тыңланды, эш барышында чыккан сорауларына җаваплар бирелде. Татарстан мөселманнары Диния нәзарәте юристы Айрат Билалов мәчетләрне теркәү, эш кәгазьләрен алып бару буенча хәзрәтләрнең сорауларына җавап бирде. Казыйлар "Аерылышу турында эшләрне караганда казыйлар тарафыннан ислам хокукы нормаларын куллану турында" Нигезләмә буенча тәкъдимнәрен җиткерделәр, фикер алыштылар. Мөхтәсибләр шулай ук үзләренең кызыксындырган сорауларын казыйларга бирделәр, иң күп сораулар җеназа тәртипләре буенча булды. Казыйлар шурасында җомга вәгазьләрен бары татар телендә генә алып бару мөмкин булуы да кабаттан искәртелде.
Чаллыга казыйлар җыелды
12 март 2018 ел 12:51
Соңгы яңалыклар
Нәзарәттә «Ислам хезмәттәшлеге оешмасының яшьләр форумы» халыкара оешмасы президенты Таха Айхан булды
23 август 2024 ел 14:07
Нәзарәттә шәех Мәэмүн әр-Рави катнашында Коръәннең кулъязма Мүсхәфен әзерләү комиссиясенең чираттагы утырышы узды
23 август 2024 ел 10:49
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы