Бүген ТР мөселманнары Диния нәзарәте резиденциясендә Казанда VI Республикакүләм ифтарны оештыру һәм үткәрү мәсьәләләре буенча киңәшмә узды. Утырыш эшендә Татарстан Республикасы мөфтие, “Казан Арена” акционерлык җәмгыяте генераль директоры Радик Миңнәхмәтов, РФ Мөселман эшмәкәрләре ассоциациясе президенты Айдар Шаһимәрданов, РФ Мөселман эшмәкәрләре ассоциациясе вице-президенты Радик Габдрахманов һәм башкалар катнашты. Утырышта катнашучылар Изге Рамазан аенда Татарстанда төп авыз ачу чарасын ике көн рәттән уздырырга һәм ир-атларныкына, хатын-кызларныкына бүлеп үткәрергә карар кылды. Моннан тыш, быелгы зур ифтарның тагын бер үзенчәлеге булып, аның программасына танылган мөнәҗәтчеләрнең чыгышларын кертү мөмкинлеге торачак.
