10 апрель көнне Буа шәһәре «Госман» мәчетендә гыйнвар аеннан алып укыган Коръән хәтеме багышлау мәҗлесе булып үтте. Мәҗлестә шәһәр һәм авыл абыстайлары, мөслимәләр катнашты. Ике ай буе Коръән хәтемне “Госман” мәчетенең икенче имамы Ринат хәзрәт Ибраһимов алып барды.
Җыелган халыкка Ринат хәзрәт Ибраһимов вәгазь сөйләде, вакыт табып, күңел салып йөргән һәрбер кешегә ихлас рәхмәт сүзләрен җиткерде. Укылган хәтемне багышлап, илебезгә, җирлегебезгә иминлек, татулык сорап, мәхәлләләргә хәерле дәвамлыклар насыйп булсын диеп догалар кылынды.
