2018 елның 16 маеннан, ягъни изге Рамазан аеның беренче көненнән Татарстан Мөфтиенең “Дини сорау” консультатив линиясе үз эшен башлап җибәрә. Татарстан Мөфтиенә шәригать кануннары буенча кызыксындырган сораулар белән түбәндәге электрон почта аша мөрәҗәгать итү мөмкин булачак: dini.sorau@tatar.ru.
Бу хакта бүген "Татар-информ" МА Рамазан ае уңаенан узган матбугат конференциясе барышында билгеле булды.
Моннан тыш, ислам тематикасына кагылышлы сорауларга җавапларны (843)50-50-700 яки +7(939) 50-50-700 телефоннары аша да алырга мөмкин. ТР мөселманнары Диния нәзарәтенең ышаныч телефоны дүшәмбедән җомгага кадәр сәгать 10.00-17.00 кадәр эшли.
