ТР МДН татар теле укытучылары арасында конкурс игълан итә. Җиңүчегә бүләк – Хаҗга юллама

16 май 2018 ел 08:21

  ТР мөселманнары Диния нәзарәте һәм «ДУМ РТ Хадж» Татарстандагы рәсми хаҗ-операторы урта гомумбелем бирү мәктәпләренең татар теле һәм әдәбияты укытучылары арасында «Минем халкым, минем динем» дип исемләнгән бәйге игълан итә. 

Конкурс яшь буынны укытуда һәм тәрбияләүдә, татар телен, әдәбиятын һәм мәдәниятен саклап калу һәм өйрәнүдә укытучыларның казанышларын хуплап, аларны кызыксындыру өчен оештырыла.

Бәйгедә җиңүчеләрне олы бүләк – 2018 елда Хаҗга юллама көтә. Бәйгенең мәҗбүри шартлары булып белгечлеге буенча кимендә 10 ел хезмәт стажы һәм  көндәлек тормышта ислам дине нигезләренә таянып яшәү рәвеше, шулай ук, мәхрәме булуы тора. Мәхрәм (хатын-кызларны озата баручы ир-ат заты) Хаҗга үз хисабына барачак.

Ислам дине нигезләре буенча белемнәр конкурста тест форматында тикшереләчәк. Бәйгенең нәтиҗәләре буенча 30 җиңүче билгеләнәчәк.  

Конкурста катнашырга теләүчеләр гаризаларын 2018 елның 20 маена кадәр түбәндәге электрон почтага җибәрә алалар: konkursdumrt@gmail.com.

Белешмәләр өчен телефон: +7927 432-74-50

Бәйге турында Нигезләмә һәм Гариза

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана