Бүген Казанда Татарстан Республикасының Дагстан диаспорасы оештырган ифтар мәҗлесе үтте. Чараны хөрмәтләп Татарстан мөфтие Камиль хәзрәт Сәмигуллин да килеп дин кардәшләрнең шатлыгын уртаклашты. Махсус мәҗлестә катнашу өчен шулай ук Дагстан мөфтиенең урынбасары Әхмәд хаҗи Кахаев та килде. Гомумән, ифтар бер өстәл алдына 100 артык кеше җыйды. Мәҗлес Казанда ел саен уздырыла.
Камиль хәзрәт кунакларны республикабыз өммәте исеменнән Изге Рамазан ае белән тәбрикләде, изге гамәлләр кылу, начар фикерләрдән тыелу һәм яман гадәтләрне ташлау хакында вәгазь әйтте, Россия мөселманнарының дини мирасы турында сөйләде.
Кояш бату белән Мөфти ахшам намазын уздырды. Мәҗлес авыз ачу белән тәмамланды.
