Бүген бар мөселман дөньясы бөек бәйрәм – Гайдел-Фитыр – Ураза бәйрәмен билгеләп үтә. Татарстанда район һәм шәһәр мөхтәсибәтләре бу уңайдан мөселманнар өчен бай бәйрәм күңел ачу программасы әзерләде. Мәчетләрдә гает намазлары тәмамлану белән бәйрәм чаралары паркларга һәм мәчет тирәләренә күченде. Иң беренче чиратта мөхтәсибәтләр бала-чаганың күңелен күреп алар өчен махсус программалар әзерләргә булды. Сабыйларга аттракционнар һәм бәйгеләр оештырыллы, аниматорлар эшләде, бүләкләр һәм тәм-томнар таратылды. Шул ук вакытта гомуми гаилә бәйрәмнәре дә уздырылды. Шактый мөхтәсибәтләрдә Ураза бәйрәме хөрмәтенә фейерверклар аттырылды. Ягъни Татарстанда бүген иртә таңнан алып кичкә кадәр һәр тарафта бәйрәм рухы сизелеп торды. Сезнең игътибарыгызга шушы чаралардан фоторепортаж тәкъдим итәбез. Үзләренең хисләре белән Баулы, Бөгелмә, Яр Чаллы, Аксубай, Кукмара, Буа, Зәй, Тукай, Мамадыш, Теләче, Саба, Арча, Алабуга, Мөслим, Сарман мөхтәсибәтләре, шулай ук Казанның "Тынычлык", "Иман нуры", "Гаилә" мәчетләре уртаклашты. Әмма бәйрәмнәр Татарстанның һәр почмагында үтте. Алар хакында Мөфтиятнең матбугат хезмәте алдагы көнне хәбәр иткән иде.
Татарстан шәһәр һәм районнарында Гаетне ничек бәйрәм итәләр? Фоторепортаж
15 июнь 2018 ел 21:25
Соңгы яңалыклар
Нәзарәттә Кукмара районының XVIII гасыр тарихи мәчетен төзекләндерү мәсьәләләре буенча фикер алыштылар
28 февраль 2022 ел 14:04
Мөфти Татарстан колонияләрендә мөселман тоткыннарына кысыр ризык ашау мөмкинлеген булдыруны хәл итү юлларын ачыкларга кушты
28 февраль 2022 ел 13:50
Гарәп Әмирлекләренең “Кызыл ярымай” хәйрия фонды “Мөхәммәдия” мәдрәсәсен карап китте
28 февраль 2022 ел 12:08
Татарстан мөфтие «Ярдам-Помощь» фондының күп функцияле спорт комплексын барып карады
28 февраль 2022 ел 10:51
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы