14 августта “Зәкят” хәйрия фонды Корбан бәйрәме якынлашуга багышлап авыру балаларга дәвалану өчен “Син үзең генә түгел” – “Без синең белән!” хәйрия акциясе турында игълан итте.
Акчалар беренче булып Бурнин Арсенийга җыела башлады. 7 яшьлек малай аутизм диагнозыннан интегә. Бүгенге көндә битараф булмаган кешеләр ярдәме белән 31 мең 450 сум акча җыю мөмкин булды!
Бер тернәкләнү курсының бәясе 53550 сум. Җыелган акчалар “Логос” медицина үзәгенә күчереләчәк.
Хөрмәтле дин кардәшләребез! Әгәр сез изге гамәл кылырга һәм әлеге малайга диагнозы белән көрәшүдә ярдәм итәргә теләсәгез, хәзер үк 7715 номерына САДАКА сүзе белән SMS-хәбәр юллый аласыз. Шулай ук акчалар 639002629014626229 номерлы сбербанк картасына кабул ителә (Әлмәтов И.М. картасы).
Аллаһы Тәгалә изге гамәлләрегезне кабул итсен!
