Кукмара хаҗилары Мәккәдә үз көче белән корбан ашы үткәрделәр. Төркем җитәкчесе Рәдиф хәзрәт Тимергалиев җитәкчелегендә узган чарада “ДУМ РТ хаҗ” җитәкчесе Ранис хәзрәт Вахитов, шулай ук башка төркем җитәкчеләре, табиблар катнашты. Йөз кешегә әзерләнгән табын Коръән укылып, дога кылып башланды, тәкбирләр әйтелде, зәмзәм суы эчелде. Аннары табында булган ризыклардан авыз ителде, корбан итен пешереп бәрәңге шулпасы бирелде. Ранис хәзрәт хаҗ буенча үзенең фикерләрен, теләкләрен әйтте. Шулай ук Рәдиф хәзрәт Тимергалиев, Кукмарадан килгән хаҗи, хаҗияләр чыгыш ясады. Кукмара мөхтәсибәтенең уку-укыту бүлеге җитәкчесе Рузилә абыстай Мәҗитова үзенең киңәш-нәсыйхәтләрен һәм Татарстан мөфтие Камил хәзрәт Сәмигуллинга, җитәкчелеккә, Ранис хәзрәт Вахитовка, оештыручыларга рәхмәт сүзләрен җиткерде. Күкшел авылы имам-хатыйбы Рамил хәзрәт тә шундый ук сүзләр белән чыгыш ясады. Мәҗлес дога кылу белән төгәлләнде.
Хаҗилар кунакханәдә корбан ашы оештырды
27 август 2018 ел 17:26
Соңгы яңалыклар
Казанда бүген иртәдән «Юмарт сишәмбе» бөтендөнья акциясе кысаларында бушлай автобус йөри
28 ноябрь 2023 ел 10:54
Татарстан мөфтияте вәкилләре Үзбәкстанда “Мир-Араб” мәдрәсәсенең 500 еллык юбилеенда катнаша
27 ноябрь 2023 ел 12:50
Мөфти киңәшчесе «Себер – диалог территориясе» халыкара динара форумында катнашты
27 ноябрь 2023 ел 09:53
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы