Бүген Татарстан мөфтие Камил хәзрәт Сәмигуллин «Мәдәниятләр бизәкләре» V Республикакүләм этноконфессиональ фестивалендә булды. Биредә республикабызның дини оешмалары һәм милли иҗтимагый берләшмә вәкилләре әзерләгән чатырлар тәкъдим ителде. Фестиваль кысаларында үз экспозициясе белән шулай ук Татарстан Республикасы мөселманнары Диния нәзарәте дә катнашты. Мөфтият экспозициясенең концепциясе «Дин – мәдәният өлеше» темасын ачып салды һәм берничә өлештән торды: Татарстанда татар милли һәм ислам нәшрияты һәм вакытлы матбугаты, шулай ук татар милли һөнәрчелек сәнгате үсеше, шәмаилләр ясау һәм тегү, күн мозаикасы буенча мастер-класслар. Шулай итеп, катнашучыларга экспозиция бүгенге көндәге Татарстанда торгызылучы традицион татар һөнәрчелеген, татарлар арасында таралган мөселман декоратив сәнгате – шәмаилләрне һәм мөселман нәшрияты эшчәнлегенең үсеш дәрәҗәсен күрсәтте.
Татарстан Республикасы мөселманнары Диния нәзарәте күргәзмәсен Татарстан Республикасы Президенты Рөстәм Миңнеханов карады. Ул экспозиция белән танышты һәм аны оештыручылар белән аралашты. Шулай ук мөфтият күргәзмәсендә мактаулы кунаклар арасында Татарстан Республикасы Мәдәният министры Ирада Әюпова, Казан һәм Татарстан митрополиты Феофан һәм башка рәсми затлар бар иде.
ТР Президенты матбугат хезмәте фотосы файдаланылды.
«Мәдәният бизәкләре»: мөфтият экспозициясен ТР Президенты карады
30 август 2018 ел 16:03
Соңгы яңалыклар
Нәзарәт тарафыннан яңа финанс продукты – Ак Барс Банкының ислам факторингы хупланды
29 гыйнвар 2024 ел 09:07
Рамазан ае алдыннан Казанда, Теләче, Мөслим һәм Әлмәт мөхтәсибәтләрендә – намаз укырга өйрәнү дәресләре
28 гыйнвар 2024 ел 18:58
Массакүләм мәгълүмат чараларын “Нурлы Рамазан” бәйгесен оештыру һәм үткәрү буенча матбугат очрашуына чакырабыз
26 гыйнвар 2024 ел 09:31
Нәзарәттә бүгенге яшьләрнең мәгълүмати һәм рухи иминлеге мәсьәләләре буенча семинар узды
25 гыйнвар 2024 ел 16:03
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы