ТР мөселманнары Диния нәзарәте “Зәкят” хәйрия фондының Үсешләрендә үзенчәлекләре булган балалар һәм аларның әти-әниләре өчен “Хәят” үзәгендә истәлекле көн якынлаша: иртәгә биредә 555нче дәрес үтәчәк. Әлеге үзәк 2017 елның декабрендә «үзенчәлекле» балаларның физик һәм психик сәламәтлеген ныгыту, аларны социальләштерү, әти-әниләрнең эмоциональ яктан «янып бетү»ен профилактикалау максатыннан булдырылды. Узган сезонда анда Казанның 130лап гаиләсе йөрде. Сабыйларның үсешләрендә уңай динамика күзәтелә: аларның күбесе аралашырга, бер-берсе турында кайгыртырга, дуслашырга өйрәнде. Әлеге үзәккә тулы һәм тулы булмаган гаиләләрдә тәрбияләнүче, шулай ук тәрбиягә алынган 3 яшьтән 27 яшькәчә инвалидлар йөри. Яңа сезонда проект «Хәят» исеме астында эшли башлады. Үзенчәлекле балалар һәм аларның әти-әниләре өчен Үзәккә йөрү бушлай.
Түгәрәк датаны Үзәктә үзенчәлекле балалар һәм әти-әниләр өчен ватнапәрвәрлек темасына багышланган бәйрәм чарасы белән билгеләп үтәргә ниятлиләр. Программада – төрле спорт бәйгеләре һәм үзәккә йөрүчеләрдән иҗади чыгышлар.
Чара 14.00дә Казанның Годовиков урамы, 16нчы йорт адресы буенча урнашкан бинада башлана.
Барлык ММЧ вәкилләрен әлеге чараны яктыртуда катнашырга чакырабыз. Аккредитация өчен телефон: +7 (917) 293-97-06 (Резедә Закирова).
