«Шура» альманахының яңа саны басылып чыкты. Анда нәфел намазларының өстенлеге, башка милләт һәм дин кешеләренә хөрмәт һәм алар белән тату яшәү, диндә урта юлны табу һәм төрле фиркалардан ерак тору, туганнар һәм күршеләрнең хаклары, исраф кылуның зарары һ.б. темаларга вәгазьләр кертелде.
Әгәр сезгә әманәт итеп биреп калдырылган акчаны урласалар, нишләргә? Без мәрхүм туганнарыбызга ничек ярдәм итә алабыз? Берәр эш белән шөгыльләнгән вакытта Коръән уку рөхсәт ителәме? Әлеге һәм башка сорауларга җавапны сез “Фәтвалар” бүлегеннән таба аласыз. Шулай ук “Шура” альманахында берничә мәкалә якынлашып килүче Мәүлид Ән-Нәбигә багышланган. Альманахка Казан шәһәре Апанай мәчетенең 250 еллыгына багышланган мәкаләләр дә кертелгән.
100 МБ
