Нәзарәттә хатын-кызлар өчен «Коръән укырга өйрәнәбез» дип исемләнгән экспресс-курслар башлана

07 октябрь 2019 ел 11:32

Татарстан мөселманнарының күпсанлы мөрәҗәгатьләре буенча республика мөфтияте яңа проект – хатын-кызлар өчен «Коръән укырга өйрәнәбез» дип исемләнгән экспресс-курсларны башлап җибәрә. Әлеге башлангыч намаз уку һәм ислам дине нигезләрен тиз һәм нәтиҗәле үзләштерү мөмкинлеген бирүче киңкүләмле «Ислам. Беренче адымнар» проектының дәвамы булып тора.

Экспресс-курслар 28 октябрьдә башлана. Дәресләр һәр дүшәмбе 16.00-дән 18.00-гә кадәр Казанның Галиев мәчетендә узачак. Гарәп алфавиты, мәхраҗ (авазларны дөрес әйтү) һәм тәҗвид (Коръәнне кагыйдәләрне үтәп уку), “Идгам”,  "Мад" кагыйдәләр төркеме, нечкә һәм калын хәрефләр, Каләм Шәрифне укыганда туктау кагыйдәләре буенча барлыгы 6 дәрес уздыру ниятләнә.

Курсларга 14 яшьтән кызлар һәм хатын-кызлар чакырыла. Шунысына игътибарны юнәлтәбез: курслар гарәп алфавитын белмәгән һәм Коръән уку буенча күнекмәләргә ия булмаган гүзәл затларга  исәпләнгән.

Язылу өчен эш көннәрендә 09.00-дән 18.00-гә кадәр +7 (843) 237-86-18 телефоны буенча шалтыратырга мөмкин. Шулай ук сылтама буенча теркәлергә була.

Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана