ТР мөселманнары Диния нәзарәтенең «Зәкят» хәйрия фонды «Сабыйга» акциясен уздыра. Әлеге башлангыч кысаларында фонд карамагындагы 3 яшькә кадәрге сабыйларга ярдәм йөзеннән кирәк-яраклар – подгузниклар, салфеткалар, биләүләр һәм башка шәхси гигиена әйберләре җыю игълан ителә.
Акция 15 ноябрьдән 15 декабрьгә кадәр үткәрелә. Битараф булмаган һәркем кирәк-яракларны «Зәкят» хәйрия фондына (Казан ш., Лобачевский ур., 6-нчы йорт) китерә ала. Белешмә өчен телефон: 225-33-22.
