«Зәкят» хәйрия фонды Менделеевскидагы фаҗигадә исән калган Никитага матди ярдәм җыюны дәвам итә

ТР мөселманнары Диния нәзарәтенең «Зәкят» хәйрия фонды Менделеевскида 3 декабрьгә каршы төндә булган коточкыч үтерештә әнисен һәм ике ир туганын бер мизгелдә югалткан 12 яшьлек Никита Колбинга матди ярдәм җыю эшен дәвам иттерә. Исегезгә төшерәбез, яшүсмер Аллаһ рәхмәте белән җинаятьче үги әтисеннән качып котыла – ул тәрәзәне ватып, 6 градуслы салкында эчке киемнән генә диярлек ярдәм эзләп чыгып чаба. Әмма бу фаҗига малайны гомерлек ачы хәсрәткә дучар итә. Авыр чакта Никитага терәк булып, теләктәшлек күрсәтү йөзеннән, «Зәкят» хәйрия фонды аңа матди ярдәм җыю турында игълан итте һәм битараф булмаган һәркемне бу гамәлдә катнашырга чакыра. Билгеле, бернинди акча да аның бу хәсрәтен йомшарта алмаячак, ләкин аңа карата беркадәр шәфкатебезне белдерергә мөмкинлек бирәчәк.

Хәзер малай үз әтисе Николай, әбисе һәм әбисенең әнисе белән Удмуртиянең Сарапул шәһәрендә яши. Әтисе янында Никита үзен иминлектә тоя, аңа медицина һәм психология ярдәме күрсәтелә. Хәзерге вакытта бала үзен канәгатьләнерлек хис итә һәм яңа мәктәпкә укырга керергә әзерләнә, әмма Никитаның хәзерге яшәү шартлары яхшыртуга мохтаҗ – фатир бер бүлмәле. ТР мөселманнары Диния нәзарәтенең «Зәкят» хәйрия фонды тарафыннан бүген йомшак сүзгә һәм мәрхәмәткә аеруча мохтаҗ балага кирәкле ярдәм күрсәтүгә акча күчерү өчен хисап счеты ачылды.

Никитага теләгән һәркем түбәндәге реквизитлар буенча ярдәм җибәрә ала:

Юридик затлар өчен:

Полное наименование организации: Благотворительный Фонд «Закят»

Сокращенное наименование организации: Фонд «Закят»

Генеральный директор: Марданов Булат Раифович

ИНН / КПП 1655068682 / 165501001

ОГРН 1091600003153

Банк: ПАО «Ак барс» банк

К/с 30101810000000000805

Р/с 40703810400020000071

БИК 049205805

Юридический адрес: 420111, РТ, г. Казань, ул. Лобачевского, д. 6.