Бүген, җөмәдәл-ахир аеның 5-нче көнендә (30-нчы гыйнварда), Татарстан мөфтие Камил хәзрәт Сәмигуллин ТР Мәдәният министрлыгының йомгаклау коллегиясендә катнашты. Җыелышның мәртәбәле кунаклары арасында шулай ук Татарстан Республикасы Президенты Рөстәм Миңнеханов та бар иде. Коллегия "Мәдәният институтлары – милләтнең мәдәни кодын саклау коралы буларак" темасына багышланды һәм Иннополиста узды. Еллык җыелыш кысаларында ТАССРның 100 еллыгына багышланган күргәзмә оештырылды, анда музей экспонатлары, татар нәшриятларының яңа китаплары, Идел буе халыкларының урта гасыр мәдәниятенә караган традицион музыкаль инструментлары һәм кул эшләнмәләре, шулай ук милли ризыклы фуд-корт тәкъдим ителде.
ТР Президенты матбугат хезмәте фотолары файдаланылды.
