Бүген, җөмәдәл-ахир аеның 20-нче көнендә (14-нче февральдә), Татарстан Республикасы мөселманнары Диния нәзарәтендә Голәмәләр шурасының чираттагы утырышы үткәрелде. Көн тәртибендә мөһим, көнүзәк мәсьәлә буларак, Рамазан аена әзерлек мәсьәләләре каралды. Шура әгъзалары Рамазан ае өчен намаз уку һәм авыз ачу календарьларен һәм буклетларын тарату, ураза тотуга һәм тәравих намазларын укуга кагылышлы белешмәлекләрне әзерләү мәсьәләләрен карады. Шулай ук, Рамазан аеның көннең иң озын вакытларына туры килүен исәпкә алып, халыкка ураза тотуның фазыйләтләрен аңлатып “Хозур” телевидениесе аша тапшырулар әзерләү кирәклеге ассызыкланды. Моннан тыш, гыйбадәт кылу һәм хәләл мәсьәләләренә караган сораулар буенча Голәмәләр шурасының эшче төркемен булдыру тәкъдиме ясалды. Шураның җаваплы сәркатибе Рөстәм хәзрәт Нургалиев “BestWay” компаниясенең мөселманнарны алдап, Диния нәзарәте исеменнән чыгып төрле ялган һәм шикле ислам финанс хезмәтләрен тәкъдим итүләре хакында бәян итте. Голамәләр дин кардәшләрне игътибарлы булырга чакырды.
Нәзарәттә Голәмәләр шурасы утырышы үтте
14 февраль 2020 ел 18:24
Соңгы яңалыклар
2023 елда Нәзарәтнең “Хозур” нәшрияты 255 меңнән артык гомуми тираж белән 100гә якын исемдәге китап бастырды
28 декабрь 2023 ел 13:00
2023нче елда Darul-Kutub.com онлайн-китапханәсе фонды “яңа” 248 борынгы китапка баеды
28 декабрь 2023 ел 08:46
Ислам динен кабул итүгә 1000 ел исемендәге мәдрәсәдә татар азаны бәйгесе узды
28 декабрь 2023 ел 08:28
Мөфтияттә II Халыкара Коръән укучылар бәйгесен планлаштыру хакында киңәшмә узды
27 декабрь 2023 ел 15:34
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы