Бүген, җөмәдәл-ахир аеның 26-нчы көнендә (20-нче февральдә), Татарстан мөфтие Камил хәзрәт Сәмигуллин Бөек Ватан сугышында Җиңүнең 75 еллыгына әзерлек һәм аны бәйрәм итүне оештыру комитеты утырышында катнашты. Әлеге чара ТР Министрлар кабинетында Татарстан Президенты Рөстәм Миңнеханов рәислегендә узды. Җыелышта шулай ук Дәүләт Киңәшчесе Минтимер Шәймиев чыгыш ясады.
Бүген шулай ук мөфти Камил хәзрәт Сәмигуллин С.Сәйдәшев исемендәге Зур концертлар залында Татарстан Президенты Рөстәм Миңнеханов катнашында Ватанны саклаучылар көненә багышланган тантаналы чарада булды.
ТР Президенты матбугат хезмәте фотолары файдаланылды.
