23 февраль көнне Казан шәһәре Киров һәм Мәскәү районнары мөхтәсибәтенең “Ярдәм” мәчетендә намаз уку бәйгесе узды. Чарада мәктәпкәчә һәм мәктәп яшендәге егермедән артык бала катнашты.
Кызларның һәм малайларның чыгышларына мәчет имамнары бәя бирде. Балалар намазның рөкеннәрен, шулай ук тышкы һәм эчке шартларын сөйләп күрсәттеләр. Бәйге ахырында барлык катнашучыларга бүләкләр тапшырылды.
