Бүген, Рәҗәб аеның 17-нче көнендә, Татарстан мөфтие Камил хәзрәт Сәмигуллин «PROкоррупцию ПРОсто» дип аталган I Бөтенроссия яшьләр форумында катнашты. Әлеге чарада ТР дәүләт хакимияте органнары җитәкчеләре, Дәүләт Советы депутатлары, республикабызның югары уку йортлары вәкилләре, бизнес-структуралар җитәкчеләре, шулай ук ТР Яшьләр хөкүмәтеннән, Иҗади яшьләр академиясеннән, ТР Дәүләт Советы каршындагы Иҗтимагый яшьләр палатасыннан һәм башка яшьләр иҗтимагый оешмаларыннан 140 кеше катнашты.
Әлеге форум кысаларында РФ субъектларының яшьләр хөкүмәте һәм яшьләр оешмалары активистлары ришвәтчелеккә көрәш буенча иҗтимагый оешмалар эшен тәкъдир иттеләр. Форум Россиядә яшьләр арасында ришвәтчелек проблемасын уртак хәл итүнең башлангыч ноктасы булачак.
