Ютазыда янган мәчетне яңадан төзекләндерү өчен сүттеләр

Ютазы мөхтәсибәтенең Иске Каразирек авылы мәчетендә чыккан янгыннан соң бинаны һәм әйләнә-тирәне чистарту эшләре башкарылды. Авыл халкы янган бүрәнәләрне сүтеп алды һәм янгыннан зыян күргән бина урынын чистартты. Мәчетнең манарасы һәм нигезе генә сакланып калды. ТР мөселманнары Диния нәзарәтенең "Зәкят" хәйрия фонды Иске Каразирек авылы мәчетен торгызу өчен акча җыю хакында игълан итте.

Исегезгә төшерәбез, 4 апрель көнне мәчеттә янгын чыккан. 2002 елда төзелгән агач бина җитди зыян күргән һәм тулысынча диярлек янып беткән. Мәчет ике авыл халкы өчен хезмәт иткән.

Хөрмәтле мөселманнар, дин кардәшләребез! Бу көннәрдә, коронавирус пандемиясе белән бәйле рәвештә, мәчетләр игътибарсыз кала. Әмма, Ин шә Аллаһ, эпидемия чигенәчәк, һәм без кабаттан Раббыбызга үзебезнең борчу-мәшәкатьләребез турында мөрәҗәгать итү өчен мәчетләребезгә юнәләчәкбез. Зинһар, Аллаһы Тәгалә йорты белән белән килеп чыккан күңелсезлектән читтә калмагыз. Пәйгамбәребез ﷺ болай дигән: «Кош оясы хәтле зурлыкта мәчет төзүчегә дә Аллаһы Тәгалә Җәннәттә йорт төзер». Бергә ярдәм итик! Финанс ярдәмен түбәндәге реквизитлар ярдәмендә күчерергә мөмкин:

1. Карта СБ 63900 262901 4626229 на имя Альметова Ильнура Махмутовича.

2. Карта СБ 2202 2005 6594 1265 на имя Насимы Мубаракшиновны.

3. Полное наименование организации Благотворительный Фонд «Закят»

Сокращенное наименование организации Фонд «Закят»

Генеральный директор Марданов Булат Раифович

ИНН 1655068682

КПП 165501001

ОГРН 1091600003153

Банк ПАО «Ак барс» банк

К/с 30101810000000000805

Р/с 40703810400020000071

БИК 049205805