Арча районы Югары Курса авылында “Илдус” мәчете ачылды

27 июль 2020 ел 11:02

Зөлхиҗҗә аеның 4-нче көнендә (25-нче июльдә) Арча районы Югары Курса авылында яңа мәчет ачылды. Әлеге тантанада Татарстанның баш казые Җәлил хәзрәт Фазлыев, ТР мөфтиенең мөхтәсибәтләр белән эшләү буенча киңәшчесе Равил хәзрәт Зөфәров, Ислам динен кабул итүгә 1000 ел исемендәге Казан югары мөселман мәдрәсәсе җитәкчесе Ильяс хәзрәт Җиһаншин, Арча районы башкарма комитеты җитәкчесе Илшат Галимуллин, Арча районы имам-мөхтәсибе Әмир хәзрәт Миңнемуллин, дин әһелләре, кайткан кунаклар, җирле халык катнашты.

Яңа мәчет сафка басканчы биредә яшәүче авыл халкы намазларны Курсавилар вакытында төзелгән мәдрәсә бинасында укыган. Әлеге яңа мәчетне төзетү өчен Илһам Хисамиев зур көч куйган. “Илдус” исеме бирелгән яңа мәчеттә бар уңайлыклары булган тәһарәтханә, уку сыйныфлары бар.

Ачылыш тантанасында Татарстанның баш казые Җәлил хәзрәт Фазлыев Аллаһы Тәгаләнең сынаулары турында вәгазь сөйләде, ТР мөфтиенең мөхтәсибәтләр белән эшләү буенча киңәшчесе Равил хәзрәт Зөфәров мәчетне төзетүгә зур көч куючыларга мөфти исеменнән рәхмәт хатлары тапшырды.

“Мәчетләр – Аллаһ Тәгаләнең җир өстендә булган йортлары. Кем Аллаһны сөя, ул Аның мәчетләрен дә сөя. Мәчет бит аның Сөеклесенең йорты. Шуңа күрә, ул ничек тә булса күбрәк вакытын яраткан Раббысының йортында үткәрергә тырыша. Аллаһ Тәгалә әйтә: “Мәчетләр Аллаһ Тәгаләнеке, Аллаһтан башка һичкемгә дога, гыйбадәт кылмагыз” (“Җен” сүрәсе 18 аять), – дип ассызыклап узды Арча районы имам-мөхтәсибе Әмир хәзрәт Миңнемуллин.

Тантана өйлә намазы уку белән төгәлләнде.

Сурәт - 1
Сурәт - 2
Сурәт - 3
Сурәт - 4
Сурәт - 5
Сурәт - 6
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана