Бүген, Мөхәррәм аеның 28-нче көнендә (16-нчы сентябрьдә), Татарстан мөфтие Камил хәзрәт Сәмигуллинда кунакта Ленар Рахманов булды. Ул – Lenar Wealth Management капитал белән идарә итү компаниясен нигезләүче, Россиядәге иң көчле финанс һәм хокук киңәшчеләренең берсе, триатлон буенча спорт мастерлыгына кандидат, өч тапкыр Ironman. Үз чиратында Камил хәзрәт очрашу истәлеге итеп мөхтәрәм кунакка ТР мөселманнары Диния нәзарәте тарафыннан әзерләнгән «Кәлам Шәриф. Мәгънәви тәрҗемә» басмасын бүләк итте. Аннары Камил хәзрәт мөфтияттә татар һәм рус телләрендә әлеге фундаменталь хезмәтне әзерләү тарихы, нәзарәтнең, шулай ук “Хозур” нәшриятының киңкырлы эшчәнлеге, “Хозур ТВ” беренче мөселман телевидениесе, “Даруль-ифта” мөселман сall-үзәге, мөфтиятнең яшьләр сәясәте һәм спорт өлкәсендәге башлангычлары турында сөйләде. Мөфти хәзрәт мөселман яшьләрендә актив яшәү рәвеше алып бару һәм дини экстремизмны профилактикалау эшендә Татарстан мөселманнары арасында сәламәт яшәү рәвешен пропагандалауның әһәмиятен ассызыклады.
Очрашу ахырында Камил хәзрәт мөхтәрәм кунакны джиу-джитсу буенча кичке тренировкага чакырды.
