Бүген, сәфәр аеның 14 нче көнендә (1 октябрьдә), Татарстан мөселманнары башлыгы Камил хәзрәт Сәмигуллин һәм аның урынбасары, БИАны Гамәлгә куючылар советы рәисе Илфар хәзрәт Хәсәнов Болгар ислам академиясенең Гамәлгә куючылар советы утырышында катнашты. катнашты. Ә Россия мөселманнары Үзәк Диния нәзарәте рәисе Тәлгат хәзрәт Таҗетдин, Россия Мөфтиләр Шурасы рәисенең беренче урынбасары, Мәскәү өлкәсе мөселманнары Диния нәзарәте рәисе, мөфти Рушан хәзрәт Аббясов видеоконференция форматында элемтәгә чыкты.
Чара Коръән аятьләре уку белән башланды. Утырышны БИАны Гамәлгә куючылар Советы рәисе Илфар хәзрәт Хәсәнов алып барды. Утырышта Ислам фәннәре докторының дин гыйлеме дәрәҗәсен алу өчен диссертацияләр яклауның нәтиҗәләрен раслау, максатчан юнәлешле укыту мәсьәләләре, Академия эмблемасын раслау һәм башка мәсьәләләр каралды.
Диссертацияләр нәтиҗәләрен раслау мәсьәләсе турында фикер алышу Ислам фәннәре докторлары катнашында узды. Фикер алышу барышында БИАны Гамәлгә куючылар советы әгъзалары аларның фәнни эшләре темасы буенча сораулар бирде, аларны мөселманнар тормышында ничек итеп кулланып белән кызыксынды.
БИАны гамәлгә куючылар Советы утырышында Ислам фәннәре докторы дин гыйлеме дәрәҗәсен алу өчен 9 диссертация яклану нәтиҗәләрен раслау турында карар бертавыштан кабул ителде. Утырыш Тәлгат хәзрәт Таҗетдиннең дога кылуы белән тәмамланды
БИА матбугат хезмәте фотосурәтләре һәм мәгълүматы кулланылды.
