Казанда узучы квалификация күтәрү курсларына 40тан артык мөгаллим язылды

16 ноябрь 2020 ел 12:16

Бүген Казанда дин әһелләре һәм мөгаллимнәр өчен “Мәдрәсә мөгаллимнәре өчен дини фәннәрне укыту методикасы” дип исемләнгән квалификация күтәрү курслары башланды. Киләсе атнадан “Мәдрәсә мөгаллимнәре өчен дөньяви фәннәрне укыту методикасы” курслары ачылачак. Әлеге дәресләрне Татарстан мөфтияте һәм Россия ислам институты каршындагы Дини оешмалар хезмәткәрләренең һәм уку йортлары мөгаллимнәренең квалификацияләрен күтәрү үзәге оештыра. Дәресләргә барлыгы кырыктан артык мөгаллим язылды.

Әлеге чара дини мәгариф оешмалары хезмәткәрләренең һөнәри осталыкларын камилләштерү максатыннан үткәрелә. Курсларны югары әзерлеккә ия белгечләр алып бара: РИИның укыту бүлеге мөдире, ТР Мәгариф һәм фән министрлыгы эксперты Нәзирә Гыйззәтуллина, РИИның ислам теологиясе кафедрасы мөдире урынбасары, педагогика фәннәре кандидаты Гөлназ Галәвиева, ТР Фәннәр академиясенең фәнни хезмәткәре, “Мөхәммәдия” мәдрәсәсе мөдире Камил Вәлиуллин, КИУның Коръән-хафизлар әзерләү үзәге директоры Рөстәм Фәизов, Нәзарәтнең фән һәм мәгариф бүлеге җитәкчесе Рамил Гыйззәтуллин һ.б. Дәресләр читтән торып ZOOM платформасын кулланып үткәреләчәк. Модуль тәмамланганнан соң квалификация күтәрү курсларын тәмамлау турында таныклык тапшырылачак.

Курс кысаларында түбәндәге темалар каралачак: “Россия Федерациясенең мәгариф турында”гы федераль законы; вөҗдан иреге өлкәсендәге Россия кануннары; Ислам белем бирү системасы: проблемалар һәм үсеш перспективалары. Ислам мәгарифенең башлангыч, урта, югары сегменты; уку процессын методик тәэмин итү; педагогик процесс һәм аның структурасы һ.б.

Сурәт - 1
Сурәт - 2
Сурәт - 3
Сурәт - 4
Сурәт - 5
Сурәт - 6
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана