Мөхтәрәм дин кардәшләрем!
Пәйгамбәребез Мөхәммәд ﷺ болай дип әйткән:
1) «Балаларыгызга кадер-хөрмәт күрсәтегез, аларны асыл кешеләр итеп тәрбияләгез»;
2) «Һичбер ата баласына затлы әдәп һәм тәрбиядән башка файдалырак нәрсә бирә алмас».
Ата-ананың балаларына карата булган вазифалары:
1. Балага Ислам диненә туры килгән күркәм исем кушу.
2. Ир баланы җиде көннән соң сөннәткә утырту. Бу – мөселман булуның билгесе.
3. Хәләл ризык.
Хәләл ризык чиста, бәрәкәтле була, изге эшләргә көч бирә, Аллаһының ризалыгына ирешелә, догалар кабул ителә.
4. Дин гыйлеме.
5. Һөнәргә өйрәтү.
6. Балигълыкка ирешкәч, баланы өйләндерү яки кияүгә бирү.
Аллаһы Тәгалә безгә балаларыбызны дөрес тәрбияләргә насыйп итсен.
Хәерле Җомга көне теләп,
Камил хәзрәт Сәмигуллин.
