Казанда владыка Феофан белән хушлаштылар

Бүген Казан Кремленең Благовещение соборында Казан һәм Татарстан митрополиты Феофан белән хушлашу чарасы узды. Митрополит белән хушлашу өчен Казанга Санкт-Петербург губернаторы Александр Беглов, Ульяновск өлкәсе губернаторы Сергей Морозов һәм РФ Икътисади үсеш министрының беренче урынбасары Михаил Бабич килде. Шулай ук чарада Татарстан Республикасы Президенты Рөстәм Миңнеханов та катнашты. Владыканы соңгы юлга озатырга килүчеләр арасында ТР мөфтие Камил хәзрәт Сәмигуллин, ТР Дәүләт Советы рәисе Фәрит Мөхәммәтшин, ТР премьер-министры Алексей Песошин, ТР Президенты аппараты җитәкчесе Әсгать Сәфәров, Казан мэры Илсур Метшин һәм башкалар да бар иде.