Мөхтәрәм дин кардәшләрем!
Аллаһы Тәгалә Коръәни Кәримдә болай ди: «Мин җеннәрне һәм кешеләрне Миңа гыйбадәт кылсыннар дип яраттым». («Әз-Зарият/Таратучылар» сүрәсе, 56нчы аять).
Пәйгамбәребез Мөхәммәднең ﷺ исә мондый сүзләре бар: «Кеше ике нигъмәтнең кадерен белми: берсе – сәламәтлек, икенчесе – буш вакыт».
Мәгънәсез үткәрелгән вакыт, гөнаһка әрәм ителгән сәламәтлек, Раббыбызны зикер итмичә үткәрелгән гомер – барысы да исраф, ягъни гөнаһ. Үзебезне мөселман буларак, белгеч буларак, ир буларак, ата кеше буларак үстереп, вакытыбызны исраф кылмыйча яшәсәк иде.
Хәерле Җомга көне теләп,
Камил хәзрәт Сәмигуллин.
