Кичә Бөгелмә мөхтәсибәте имамнары Бөгелмә шәһәренең 3-нче тикшерү изоляторында булып кайтты. Очрашу барышында Бөгелмә шәһәре һәм районы имам-мөхтәсибе Рамил хәзрәт Хөснетдинов төзәтү учреждениесе китапханәсенә Коръән мәгънәләренең татар теленә тәрҗемәсен – «Кәлам Шәриф. Мәгънәви тәрҗемә» басмасын тапшырды. Шулай ук 2021 ел өчен мөселман бәйрәмнәре һәм истәлекле көннәрне күрсәтеп Бөгелмә мөхтәсибәте тарафыннан чыгарылган стена календаре, намазлыклар, ТР мөфтие Камил хәзрәт Сәмигуллинның “Ислам в 75 уроках” дип исемләнгән китабы тапшырылды. Аннары имамнар намаз уку бүлмәсен карады. Гыйбадәт кылу бүлмәсе гаепләнүчеләргә һәм тоткыннарга дини бурычларны үтәргә мөмкинлек бирә. Дин әһелләре барлык шартлар тудырылган ана һәм бала бүлмәсен карады, яңа туган балага исем кушу йоласын үткәрде. Очрашу ахырында имамнар төзәтү учреждениесенең камерасында булды һәм тоткыннар белән аралашты.
Бөгелмә имамнары 3-нче тикшерү изоляторында булды
16 декабрь 2020 ел 14:37
![Бөгелмә имамнары 3-нче тикшерү изоляторында булды](/netcat_files/398/569/36bfb311_0c56_4e6d_93c5_8d0cd4f06e8d.jpg)
Соңгы яңалыклар
![](/netcat_files/398/569/0be4ab27_3985_4a2e_b8a9_95f7fc50a043.jpg)
Нәзарәт тарафыннан яңа ислам финанс продуктлары – Ак Барс Банкының хисап-касса хезмәте һәм корпоратив картасы хупланды
21 февраль 2024 ел 09:50
![](/netcat_files/398/569/DSC_9120.jpg)
Нәзарәт яңартылган «Казан басмасы»ның бер өлешен Татарстан колонияләренә тапшырды
21 февраль 2024 ел 08:10
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы