Бүген, җөмәдел-әүвәл аеның 9-нчы көнендә (24-нче декабрьдә), Татарстан мөфтие Камил хәзрәт Сәмигуллин 2022 елда Казанда ЮНЕСКО Бөтендөнья мирасы комитетының 45-нче юбилей сессиясен оештыру һәм уздыру буенча киңәшмәдә катнашты. ТР Хөкүмәт Йортында узган киңәшмәне Татарстан Республикасы Президенты Рөстәм Миңнеханов алып барды. Ул әлеге вакыйгага сыйфатлы дәрәҗәдә әзерләнергә чакырды, кунакларның республикабызның милли үзенчәлекләрен күрүләре, безнең традицион кунакчыллыкны тоюлары мөһим булуын ассызыклады. ЮНЕСКОның юбилей сессиясе Ислам динен кабул итүгә 1100 ел тулуны бәйрәм итү елына туры килеп Казанда үтүе нур өстенә нур булып тора.
Фото: ТР Президенты матбугат хезмәте.
