Камил хәзрәт Сәмигуллин Иваново мөфтие Фәрит хәзрәт Ляпин белән очрашты

12 гыйнвар 2021 ел 13:38

Бүген, җөмәдел-әүвәл аеның 28-нче көнендә (12-нче гыйнварда), Татарстан мөфтие Камил хәзрәт Сәмигуллин Нәзарәттә Иваново өлкәсе мөселманнары Диния нәзарәте рәисе, әлеге төбәкнең татар милли-мәдәни автономиясе рәисе Фәрит хәзрәт Ляпин белән очрашты. Иң беренче чиратта күренекле дин эшлеклесе Камил хәзрәт җитәкчелегендә әзерләп бастырылган “Кәлам Шәриф. Мәгънәви тәрҗемә” басмасының презентациясен Ивоновода үткәрелгәне һәм аны халыкка бушлай тарату мөмкинлеге тудырылганы өчен тирән рәхмәтләрен белдерде: “Әлеге басмага Иваново өлкәсендә ихтыяҗ бик зур. “Кәлам Шәриф. Мәгънәви тәрҗемә”не бар халык – әби-бабайлар, урта буын, яшьләр – барысы да бик яратып кабул итте, без аны мәчетләр аша тараттык”, – диде ул.

Бүгенге очрашуда сүз киләчәктә дә милләттәшләрдә дини-милли үзаң тәрбияләү, татар телен өйрәнү һәм аңа кызыксыну уяту, татар милли үзенчәлекләрне һәм дини гореф-гадәтләрне саклау мәсьәләләрендә хезмәттәшлекне киңрәк җәелдерүгә багышланды. Иваново өлкәсе мөселманнары Диния нәзарәте җитәкчесе татар, рус, гарәп телләрендә нәшер ителгән дини китапларга ихтыяҗ зур булуын белдереп, Татарстан мөфтиятенең “Хозур” нәшрияты белән багланышларны ныгытырга теләвен җиткерде. Ул Камил хәзрәтне шулай ук Иваново Җәмигъ мәчетенең икенче корпусы төзелеше барышы белән таныштырды. Төзелеп килүче бинаның цоколь катында намазлар уку мөмкинлеге тудырылган, икенче катында Иваново өлкәсе татарлары музее, өченче, дүртенче катларда дини дәресләр, татар теле курслары үткәрү өчен уку сыйныфларын булдыру ниятләнә. Фәрит хәзрәт сүз уңаеннан Татарстан мөфтиятенең мәчет каршындагы курсларда татар теле дәресләрен укыту тәҗрибәсе белән дә танышып китте. Билгеле булганча, 2020-2021-нче уку елыннан Татарстанның йөз мәчетендә башлап өйрәнүчеләр өчен татар теле дәресләре оештырылды.

Очрашу истәлеге итеп мөфти Камил хәзрәт Сәмигуллин мөхтәрәм кунакка әле генә табадан төшеп, 2021 елда “Хозур” нәшриятында басылып чыккан “Кәлам Шәриф. Сайланма сүрәләр һәм аятьләр” һәм “Калям Шариф. Избранные суры и аяты” китапларын бүләк итте.

Сурәт - 1
Сурәт - 2
Сурәт - 3
Сурәт - 4
Дин әһеле
1992 -1998 елларда
Дин әһеле
1998 - 2011 елларда
Дин әһеле
2011 – 2013 елларда
Дин әһеле
2013 елның 17 апрелендә сайланды

Намаз вакытлары

Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы
Яңалыклар архивы
Tatarstan.Net - все сайты Татарстана