Татарстан Республикасы инвестицион үсеш агентлыгы һәм Россия ислам институты 5 февральдән башланып китәчәк яңартылган “Ислам буенча финанс белеме 3.0” email-курслары ачылачагы хакында хәбәр итә.
Курс кысаларында Сез түбәндәгеләрне үзләштерә алачаксыз:
- шәхси финанс планлаштыру нигезләре;
- традицион финансларның партнерлыклардан аермалары;
- ислам бизнесы этикасы нигезендә финансларны грамоталы алып бару һәм инвестицияләү серләре;
- Ислам бизнес этикасы нигезендә рөхсәт ителгән актуаль финанс инструментлары;
- хәләл бизнеска инвестицияләр җәлеп итү механизмнары;
- Россия законнары һәм шәригать кануннары нигезендә шартнамә нюанслары.
Моннан тыш, сез эфирларга экспертлар белән кушыла, гамәлдәге финанс продуктлары турында яңартылган мәгълүмат, әдәбият һәм контент буенча тәкъдимнәр ала, шулай ук брокерлар һәм кушымталар сайлау, Россия законнары һәм шәригать кануннары нигезендә килешүләр шаблоннары карый алачаксыз.
Уку түләүсез. Курсның киңәйтелгән версиясе түләүле опциядә тәкъдим ителә, ул үз эченә түбәндәгеләрне:
- өй эшләре буенча тикшерү һәм элемтәдә тору;
- өй эшен тапшыру срокларын озайту;
- барлык өй эшләрен үтәүчеләр өчен курсны узу турында сертификат;
- сезнең сорауларыгыз өчен телеграм-чат.
Ай дәвамында һәр сишәмбе һәм җомга саен курста катнашучылар лекцияләр һәм гамәли биремнәр белән тематик хатлар алачак.
Теркәлү узу өчен 5 февральгә кадәр түбәндәге сылтама буенча керергә мөмкин: https://clck.ru/SqVfX.
грамотность по Исламу 
