Шәгъбан аеның 11-нче көнендә (24-нче мартта), Чаллының “Нур-Ихлас” мәчетендә 16 яшькә кадәрге ир балалар өчен Коръән уку бәйгесе үткәрелде. Әлеге чарада утызга якын бала Аллаһ китабын яттан һәм китаптан уку осталыгы буенча көч сынашты.
7 яшькә кадәргеләр арасыннан беренче урынны Гасимов Рахин яулады, Краснов Эмиль белән Краснов Вилан икенче һәм өченче урыннарны бүлеште. 7-11 яшьлекләр арасында Хәйдәров Ямин – беренче, Әхмәтшин Йосыф – икенче һәм Саттаров Ибраһим өченче урыннарны яулады. 11-16 яшьтәге катнашучылар арасында Хәйдәров Ясин – беренче, Саттаров Мөхәммәт – икенче һәм Саттаров Башир өченче урынга лаек булды. Бәйге азагында барлык катнашучыларга да бүләкләр тапшырылды.
