Шәгъбан аеның 14-нче көнендә (27-нче мартта), Чистайда күп еллар узганнан соң беренче тапкыр Хафыс ган Гасыйм кыйраәте буенча Коръәнне дөрес уку буенча иҗазәтләр тапшыру тантанасы узды.
Рухи традиция дүрт укучы тарафыннан торгызылды: Илһамия ханым Шәрифуллина, Лидия ханым Гадиева, Зәмзәмия ханым Сөләйманова һәм Әлфия ханым Мөхетдинова 7 ел дәвамында Чистайның “Әнәс” мәчетендә тәҗвид өйрәнде.
Коръән тәҗвиде теориясе һәм практикасына аларны Чистай мөхтәсибәтенең мәгариф бүлеге җитәкчесе, әл-Әзһар университетын тәмамлаган Әнәс хәзрәт Шаязданов өйрәтте. Нәкъ менә ул, университетта укып, Хафыс ган Гасыйм кыйраәте буенча Коръәнне дөрес уку буенча иҗазәтләр тапшырды. Иҗазәтне тапшыручылар чылбыры Пәйгамбәребез Мөхәммәд ﷺ барып тоташа. Шунысы күркәм, Пәйгамбәр белән Чистай укучылары арасында чылбырда барлыгы 39 кеше.
Тантаналы чарада Чистай имам-мөхтәсибе Мөхәммәд хәзрәт Кыямов, Госман ибн Гаффан исемендәге Коръән-хафизлар әзерләү үзәге директоры Габдерәшит хәзрәт Фәизов, шулай ук мәчеткә йөрүчеләр катнашты. Барлык чыгарылыш укучылары Хафыс ган Гасыйм кыйраәте буенча Коръәнне дөрес уку буенча иҗазәтләр алды, бар чылбыр Пәйгамбәребез Мөхәммәд ﷺ салләллаһу галәйһи вә сәлләмгә тоташуы күрсәтелә.
