Изге Рамазан аенда “Хозур ТВ” “Аллаһы Тәгаләнең рәхмәт күләгәсендә” дип исемләнгән яңа тапшыру эшләп чыгарды.
“Аллаһның рәхмәт күләгәсендә” – ул Кыямәт көнендә Аллаһы Тәгаләнең рәхмәт күләгәсендә булачак хәдистәге 7 төрле кешене тасвирлаучы тапшыру. Аны Сәлим бин Умар бин Хафиз алып бара.
“Аллаһы Тәгаләнең рәхмәт күләгәсендә” булучылар арасында түбәндәгеләр бар:
1) гадел (намуслы) имам;
2) яшьтән үк Аллаһка гыйбадәт кылып үскән кеше;
3) күңеле мәчет белән бәйле булган кеше;
4) Аллаһ ризалыгы өчен бер-берсен сөйгән, шуның өчен генә күрешкән һәм аерылган ике кеше;
5) дәрәҗәле, матур хатын зина кылырга чакырганда: «Мин Аллаһтан куркам», - дип, бу эштән тыелган кеше;
6) сул кулы уң кулының сәдака бирүен белмәү дәрәҗәсендә яшереп сәдака бирүче;
7) беркем күрмәгәндә Аллаһны зекер итеп, күзеннән яшьләре аккан кеше.
Тапшыру әлеге җиде сыйфатны үзендә булдыручы шәхесләргә багышлана, алар арасында күпләгән пәйгамбәрләр, сәхабәләр, беренче буын мөселманнар бар.
“Таттелеком” абонентлары “Аллаһның рәхмәт күләгәсендә” тапшыруын сишәмбе һәм пәнҗешәмбе көннәрендә 13:15 һәм 22:40 сәгатьтә, шулай ук шимбә көнне 13:25 һәм 22:45 сәгатьтә карый ала.
“Хозур ТВ” телеканалын һәр кеше huzurtv.ru сайтында карый ала. Көннән-көн “Хозур ТВ” үзенең кабельле тапшырулар географиясен киңәйтә. Бүгенге көндә мөселман телеканалын Мәскәү һәм Мәскәү өлкәсе, Татарстан, Башкортстан, Кырым, Түбән Новгород өлкәсе, Воронеж өлкәсе, Пермь крае һәм Дагыстан тамашачылары карый ала.
huzurtv.ru сайтына керегез, “Хузур ТВ” мобиль кушымтасын App Store яки Google Play-дан йөкләп алыгыз.
