Бүген Татарстан мөфтие Камил хәзрәт Сәмигуллин Россия Федерациясе Хөкүмәте каршындагы дини берләшмәләр мәсьәләләре буенча комиссия утырышында катнашты. Киңәшмә Россия Федерациясе Хөкүмәте Рәисе урынбасары Дмитрий Чернышенко рәислегендә узды. Утырышта РФ Хөкүмәте каршындагы дини берләшмәләр мәсьәләләре буенча комиссия әгъзалары, дәүләт хакимияте органнары вәкилләре, үзәкләштерелгән дини оешмалар вәкилләре, РФ Хөкүмәте Аппаратының җаваплы хезмәткәрләре катнашты.
Утырышта катнашучылар яңа коронавирус инфекциясе таралу чорында дини оешмаларга дәүләт ярдәме күрсәтү, пандемия шартларында дини оешмаларның җәмгыятькә хезмәте, «2011-2020 елларда дәүләт яки муниципаль милектә булган дини әһәмияттәге милекне дини оешмаларга тапшыру турында» Федераль законны гамәлгә ашыру тәҗрибәсе һ. б. мәсьәләләрне карады. Моннан тыш, утырышта Согуд Гарәбстаны хакимияте сезонны ачкан очракта, хаҗга әзерлек, Россиядә хаҗ туризмын үстерү һәм дин әһелләренең хөкем ителгәннәр белән үзара хезмәттәшлеге турында фикер алыштылар. Шулай ук Россиядә дини өлкәдәге хәл турында күп кенә файдалы аналитик мәгълүмат яңгырады.
ТР мөфтие РФ Хөкүмәте каршындагы дини берләшмәләр мәсьәләләре буенча комиссия утырышында катнашты
28 апрель 2021 ел 17:33
![ТР мөфтие РФ Хөкүмәте каршындагы дини берләшмәләр мәсьәләләре буенча комиссия утырышында катнашты](/netcat_files/398/569/pravitelstvo_Rossii.jpg)
Соңгы яңалыклар
![](/netcat_files/398/569/b5b1dfc0_71a5_4b95_9627_651e3db8a537.jpg)
Түбән Кама мөхтәсибәте Кама аланы мәхәлләсе олы юлда туктап калган йөк машинасы йөртүчеләренә кайнар ризык тарата
20 гыйнвар 2024 ел 21:33
![](/netcat_files/398/569/FE978A07_E1FF_4B85_A39A_003B689032F2.jpeg)
Нәзарәтнең Президиумы карары нигезендә Мөфти Камил хәзрәт Минтимер Шәймиевка Мәрҗани орденын тапшырды
20 гыйнвар 2024 ел 12:41
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы