Бүген, Шәүвәл аеның 13 нче көнендә (25 майда) Татарстан мөфтие Камил хәзрәт Сәмигуллин Нәзарәттә РФ Мөселман эшкуарлары ассоциациясе рәисе Айдар Шаһимәрданов, Ассоциациянең Хәйрия фонды җитәкчесе Рөстәм Вәлиев, Ассоциация һәм әлеге фонд вәкилләре белән очрашты. Очрашуда сүз Казанның һәм Татарстанның мөселман уку йортлары һәм ислам мәгарифе үсеше хакында барды. Анда Нәзарәтнең шәригать мәсьәләләре буенча бүлек җитәкчесе, Казан шәһәре казые Булат Мөбарәков та катнашты.
Билгеле булганча, РФ Мөселман эшкуарлары ассоциациясе үзенең эшчәнлеген берничә ел дәвамында нигездә ислам фәне һәм мәгарифен үстерүгә, мәчетләр төзү һәм аларны карап тотуга ярдәм итүгә, сәүдә үзәкләрендә намаз бүлмәләре ачу һәм “Авылларга ярдәм” проектын гамәлгә ашыруга юнәлтә.
Бүгенге эшлекле очрашуда Татарстан мөфтие эшмәкәрләргә аерым мәгариф проектларын тәкъдим итте, Казанда хәфизләрне, тәфсир һәм хәдис белгечләрен бала яшеннән үк әзерли башлау әһәмияте турында сөйләде һәм шушындый мөмкинлекне булдыру өстендә Нәзарәттә эш барганын хәбәр итте.
Эшмәкәрләр мөфтиятнең мәгариф өлкәсендәге эшчәнлеген һәм башлангычларын югары бәяләде, аларның тормышка ашыруда үзләренең ярдәмнәрен тәкъдим итте.
Татарстан мөфтие РФ Мөселман эшкуарлары ассоциациясе рәисе Айдар Шаһимәрданов белән очрашты
25 май 2021 ел 12:32
![Татарстан мөфтие РФ Мөселман эшкуарлары ассоциациясе рәисе Айдар Шаһимәрданов белән очрашты](/netcat_files/398/569/DSC_4114.jpg)
Соңгы яңалыклар
![](/netcat_files/398/569/DSC_2788.jpg)
Казанда бүген иртәдән «Юмарт сишәмбе» бөтендөнья акциясе кысаларында бушлай автобус йөри
28 ноябрь 2023 ел 10:54
![](/netcat_files/398/569/WhatsApp_Image_2023_11_27_at_08.49.33__1_.jpg)
Татарстан мөфтияте вәкилләре Үзбәкстанда “Мир-Араб” мәдрәсәсенең 500 еллык юбилеенда катнаша
27 ноябрь 2023 ел 12:50
![](/netcat_files/398/569/WhatsApp_Image_2023_11_26_at_16.29.29__1_.jpg)
Мөфти киңәшчесе «Себер – диалог территориясе» халыкара динара форумында катнашты
27 ноябрь 2023 ел 09:53
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы