Бу көннәрдә Татарстан мөфтиенең халыкара мәсьәләләр буенча киңәшчесе, Түбән Кама имам-мөхтәсибе Салих хәзрәт Ибраһимов Камил хәзрәтнең кушуы буенча Мәскәүдә булды. Биредә аны Россия мөселманнарының Дини җыены резиденциясендә Мәскәү һәм “Мәскәү мөфтияте” Үзәк төбәге, Чувашстан Республикасы мөфтие, РФ Иҗтимагый палатасы әгъзасы Әлбир хәзрәт Крганов кабул итте. Дин әһелләре ике оешма арасында хезмәттәшлек, конфессияара татулыкны саклау һәм җәмгыятьтә гомумкешелек әхлакый кыйммәтләрен ныгыту өлкәсендә хезмәттәшлекне көчәйтү мәсьәләләре буенча фикер алыштылар.
Салих хәзрәтнең тагын бер очрашуы Данилов монастыренда Рус православ чиркәвенең тышкы чиркәү элемтәләре бүлеге сәркатибе Стефан Игумнов белән узды. Алар РФ Президенты каршындагы дини берләшмәләр белән үзара хезмәттәшлек советының милләтара һәм динара мөнәсәбәтләрне гармонизацияләү комиссиясенең Динара эшче төркеменең күчмә утырышын оештыру мөмкинлеген карадылар. Анда Россиянең дини берләшмәләре җитәкчеләре катнашыр дип көтелә.
Татарстан мөфтие киңәшчесе Россия мөселманнары Дини җыены башлыгы Әлбир Крганов белән очрашты
27 май 2021 ел 09:12
![Татарстан мөфтие киңәшчесе Россия мөселманнары Дини җыены башлыгы Әлбир Крганов белән очрашты](/netcat_files/398/569/84aba82f_024b_4099_9da8_2286cdf581ac.jpg)
Соңгы яңалыклар
![](/netcat_files/398/569/namaz_0.jpeg)
12нче Республикакүләм ифтар кунакларны сәг. 15.00-дән көтә, ә "Татар-информ" каналында туры трансляция булачак
29 март 2024 ел 09:08
![](/netcat_files/398/569/DSC_3574.jpg)
Махсус хәрби операция ветераннары Мөфти Камил хәзрәткә һәм Нәзарәткә Татарстан сугышчыларына гуманитар ярдәм өчен рәхмәт белдерде
28 март 2024 ел 14:50
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы