Зөлкагъдә аеның 17 нче көнендә (27 июньдә), Арча мөхтәсибәте Яшьләр көне уңаеннан ир-атлар арасында мини-футбол буенча республикакүләм турнир үткәрде. Ярышлар Арчаның “Көнчыгыш” мәчете кубогына үткәрелде.
Турнирда Болгар ислам академиясе, Арча, Казан, Мөслим, Түбән Кама, Базарлы Матак, Теләче, Кукмара, Саба районнары, Әлмәт шәһәреннән 14 команда катнашты. Нәтиҗәләр буенча 1 нче урынны Нур Әл-Ислам (Казан), 2 нче урынны - Саба районының Евлаштау авылы, 3 урынны - Әлмәт шәһәре, 4 урынны Алабуга шәһәре командасы яулады. Җиңүчеләр медаль, кубок, дипломнар белән бүләкләнде.
Ярышлар яшь мөселманнарны физик культура һәм спортка җәлеп итү, аларны берләштерү максатыннан уздырыла.
