Бу көннәрдә Казанда истәлекле вакыйга булды: илебез территориясендә беренче тапкыр Россия Коръән укучылар ассоциациясе оештырылды. Әлеге оешма РФ Ислам мәгарифе советы башлангычы белән булдырылды.
Ассоциациягә Россиянең 12 төбәгеннән хафизлар керде. Алар Татарстан, Чечня, Дагыстан, Саратов, Иваново, Мордовия, Пенза, Пермь, Кемерово, Чуашстан, Карачай-Черкесия, Кырымнан. Төбәкләр Коръән хафизларны әзерләү буенча алып барылган эшчәнлеккә карап сайлап алынган. Шулай итеп, Россия Коръән укучылары ассоциациясенә әгъза итеп мөфтиятләрдә Коръән эшләре буенча җаваплы белгечләр, Коръән хафизлары үзәкләре вәкилләре кабул ителде.
Ассоциациянең Татарстан мөфтие урынбасары, РИИ һәм КИУ ректоры, РФ Ислам мәгарифе советы рәисе Рәфикъ хәзрәт Мөхәммәтшин җитәкчелегендә узган беренче утырышы барышында оешманың рәисе вазифасына Казанда Госман ибн Аффан исемендәге Коръән хафизлар әзерләү үзәге директоры Габддеррәшид хәзрәт Фәизов тәкъдим ителде. Аның кандидатурасын делегатлар бертавыштан хуплады.
Габдрәшид хәзрәт сүзләренә караганда, Ассоциациягә Россиядә Коръән хафизларны әзерләүче барлык үзәкләр өчен бердәм стандартлар эшләргә, Коръән фәннәрен (тәҗвид, тәфсир һ.б.) укытуны үстерергә, Коръән бәйгеләрен үткәрү системасын камилләштерергә һәм бердәм итеп эшләргә (бердәм кагыйдәләр, бәяләү критерийлары һ. б.) кирәк булачак.
Россиядә беренче тапкыр Коръән хафизларының һөнәри ассоциациясе төзелде
02 июль 2021 ел 09:26
![Россиядә беренче тапкыр Коръән хафизларының һөнәри ассоциациясе төзелде](/netcat_files/398/569/IMG_6558.jpg)
Соңгы яңалыклар
![](/netcat_files/398/569/c5269d86_872e_4e9a_a6c6_3d86641bbfb8.jpg)
2023 елда Нәзарәтнең “Хозур” нәшрияты 255 меңнән артык гомуми тираж белән 100гә якын исемдәге китап бастырды
28 декабрь 2023 ел 13:00
![](/netcat_files/398/569/10892a3b_e474_4aa6_9dfc_45ad4dcb7d99.jpg)
2023нче елда Darul-Kutub.com онлайн-китапханәсе фонды “яңа” 248 борынгы китапка баеды
28 декабрь 2023 ел 08:46
![](/netcat_files/398/569/6df8dea6_c968_40ed_b697_2dc9361de351.jpg)
Ислам динен кабул итүгә 1000 ел исемендәге мәдрәсәдә татар азаны бәйгесе узды
28 декабрь 2023 ел 08:28
![](/netcat_files/398/569/DSC_5104.jpg)
Мөфтияттә II Халыкара Коръән укучылар бәйгесен планлаштыру хакында киңәшмә узды
27 декабрь 2023 ел 15:34
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы