Шушы көннәрдә Татарстан мөфтиятенең “Хозур” нәшрият йортында барлык мөэминнәрне дә кызыксындырган мәсьәләгә багышланган яңа китап чыкты, ул “Җәннәт хакында туксан тугыз сорау” дип атала. Әлеге хезмәтнең авторы – төрек дин белгече Абдуллаһ Нәкышчы.
Китапны укып, күпләгән сорауларга – Җәннәткә беренче булып кемнең керүе, Җәннәтнең баскычлары һәм капкалары, Җәннәт әһелләренең ризыклары һәм эчемлекләре һ.б. сорауларга җаваплар табарга мөмкин. Шулай ук укучылар хур кызлары һәм хур егетләре, Җәннәт әһелләренең яше турында белеп кенә калмыйча, Җәннәткә җеннәр керәме, мөэминнәрнең үзләренең якыннары белән очрашалармы дигән сорауларга да җавап таба ала.
Китапны “Хозур” нәшрият йорты кибетләрендә сатып алырга һәм читтән торып заказ бирергә мөмкин.
Кибет адресы: Казан шәһәре, Париж Коммунасы урамы, 6нчы йорт. Тел.: +7 (960) 072-74-63.
Склад адресы: Казан шәһәре, Газовая урамы, 14нче йорт. Тел.: +7 (966) 250-00-09.
Интернет-кибет: huzurshop.ru
