Бүген, Рабигыль-әүвәл аеның 22нче көнендә (28нче октябрьдә), мөфти Камил хәзрәт Сәмигуллин Татарстан Республикасы мөселманнары Диния нәзарәте резиденциясендә Босния һәм Герцеговина дәүләтенең Россия Федерациясендәге Гадәттән тыш һәм Тулы вәкаләтле илчесе Желько Самарджия белән белән очрашты. Үзенең беренче тапкыр Казанга сәфәрендә кунак нәзарәт белән танышуга зур игътибар бирде. Мөфти кунакның вакыт табып, Татарстан мөселманнарына булган игътибары өчен рәхмәтләрен җиткерде, быелның апрель аенда Татарстан Республикасы Президенты Р.Н.Миңнеханов җитәкчелегендәге рәсми делегация составында Сараеводагы Гази Хөсрев-бега мәчетендә булу хатирәләре белән бүлеште. Очрашуның төп темасы милләтләр һәм диннәр арасында диалог алып бару тәҗрибәсе буенча фикер алышудан гыйбарәт булды. Илче бу юнәлештә Татарстан Республикасы белән охшашлыклар күп булуын җиткерде, аеруча тарихи биналарга кызыксынуын белдерде. Камил хәзрәт кунакны Татарстанның милли һәм дини составы, биредә Идел буенда яшәүче халыкларның мөселман динен үз ирекләре белән кабул итүләре, тынычлык һәм үзара татулык саклауның әһәмияте, нәзарәтнең планнары белән таныштырды. Очрашу үзара бүләкләү алмашу белән тәмамланды.
Мөфти Босния һәм Герцеговина илчесе белән очрашты
28 октябрь 2021 ел 13:27
![Мөфти Босния һәм Герцеговина илчесе белән очрашты](/netcat_files/398/569/DSC_1532.jpg)
Соңгы яңалыклар
![](/netcat_files/398/569/_file_photoreport3_print_9292879_6883395.jpg)
Рөстәм Миңнеханов һәм Камил хәзрәт узып баручы елның нәтиҗәләре һәм 2024нче елга планнар хакында фикер алышты
11 декабрь 2023 ел 17:26
![](/netcat_files/398/569/07d7a6f1_edca_4a40_8605_30746639c381.jpg)
Нәзарәтнең “Зәкят” хәйрия фонды Казанда белем алучы Фәләстыйн студентларына матди ярдәм күрсәтә
11 декабрь 2023 ел 11:26
![](/netcat_files/398/569/DSC_0293.jpg)
Луи Брайль системасында сукырлар өчен Нәзарәтнең “Калям Шариф. Перевод смыслов” китабы басылып чыкты
11 декабрь 2023 ел 09:56
Намаз вакытлары
Иртәнге намаз
Кояш чыга
Өйлә намазы
Икенде намазы
Ахшам намазы
Ястү намазы