Бүген, Раҗәб аеның 14нче көнендә (15нче февральдә), нәзарәткә Камил хәзрәт Сәмигуллин белән күрешергә Лаеш районы җитәкчесе Илдус Зарипов килде. Мөхтәрәм җитәкче белән мөфти хәзрәт үзара хезмәттәшлек алып бару хакында планнар билгеләде. Илдус Зарипов хезмәттәшлеккә ачык булуын, кирәк вакытта ярдәм итәргә әзер булуын белдерде. Мөфти хәзрәт тә уртак планнарны тормышка ашыру буенча тәкъдимнәрен җиткерде. Очрашу истәлеге итеп мөфти аңа “Хозур” нәшриятында чыккан басмалар бүләк итте.
