Татарстан мәчетләрендә Бөек Ватан сугышында һәлак булганнар өчен дога кылдылар

22 июньдә, Бөек Ватан сугышы башланган көнне, Россиядә Хәтер һәм кайгы көне билгеләп үтелә. Бу уңайдан бүген, зөлкагдә аеның 23 нче көнендә, Татарстан мәчетләрендә барлык сугыш геройларын һәм корбаннарын искә алдылар. Биредә өйлә намазыннан соң изге Коръән аятьләре укылды, аннан соң фронтта, әсирлектә һәлак булучылар, тылда үлүчеләр рухына дога кылынды... Казанда дога кылуның төп мәйданчыгы башкаланың «Кол Шәриф» мәчетендә булды. Мөселманнар Аллаһтан сугыш елларында үлүчеләр өчен хәерлесен бирүен сорады.